دجاج بالفحم

دجاج بالفحم الطريقة:
- بداية غسلت الدجاجه جيداً و قصيتها بالمقص الخاص للمطبخ من النص بالضبط يعني هيك
- حطيناالبهارات مع بعض و اللي كانت عباره عن ملعقة طعام من الملح,الكركم, البزار و الجرفه و السماق
- و بعد حطيت الروب أو الزبادي
- أول شي دهنت الدجاجه بالبهارات و بعدين حطيت الروب
- - و غطيته و خليتها بالخلطه تقريبا ساعتين خلال هذا الوقت جهزنا الفحم"ترى الفحم جاهز بس في الصوره مبين انه منطفي
- و الحين حطينا الدجاجه على الفحم و حطيت وياها بطاطا
- وكل عشر دقايق تقريبا أقلب الدجاجه لحد ما استوت و نضجت
- و طبعا كنت استخدم المشب بصراحه البطاطا ما قدرت عليها تنضج فقطعتها شرائح رفيعه و شويتها مره ثانيه
- و الحين شوفو الدجاجه جهزت و للتغير حبيت اطبخ الفطر للأطفال
- فقليت الفطر بزيت زيتون قليل جدا
- و يدوب حطيته على الصحن و تم و لدي و ولد أختي ياكلون منه"بالعافيه عليهم"
- طبعا جهزت البطاطا و حطيتها فوق الدجاجه عشان تاخذ منه ريحة الشوي
- و هذا بالشكل النهائي الدجاجه مع الخبز اللبناني البطاطا و صحتين و هنا

نصائح:
1- أفضل انك تلبسين قفازات يوم بتطبخين الدجاج و لازم تنظفيها زين ما زان عشان الجراثيم و الريحه
2-يفضل تقطيع البطاطا شرائح رفيعه جدا لأنه بتنطبخ بدون زيت فيصعب الشواء و يطول نضجها